عيني رأت طيره بتتألم بنار حاميه بتكويها .. على عود الحطب واقفه وشوك الدنيا حواليها وصياد القدر واقف وبرصاصه بيرميها .. سالت عليها بدي اعرف دي مين ومين ليها قالولي الام سايباها وابوها كمان ناسيها .. ياعيني ضحيه في الدنيا ياخوفي الوحده تضليها ده لو هب الهوا ليها مصيرالعود يميل بيها .. وقلت يارب ساعدني عشان اقدر اعليها شاورت بايدي اناديلها وجاتلي واخذت بايدها .. بنيت العش في العالي وكان قصدي اعليها ولما عششت جنبي وشفت الفرح في عنيها .. فتحت لحبها قلبي وقلت يارب خليها وجبت من الشجر ورقه وعجنته لحنه احنيها .. وجبت من العسل شهده عشان تاكل واغذيها وجبت من العنب خمره عشان تشرب واسقيها .. وجبت غنوه من الهوى بصوت الناي اغنيها وجبت الورد من البلدي عملته تاج يحليها .. وجبت بخور من الجاوي ابخرها وارأيها وليله في العشه جالها واحد تاني يناديها .. سابتني في اللي كان وحدي وراحتله برجليها
